Gollivud aktyorlari Bred Pitt, Leonardo Di Kaprio va Robert De Nironing har biri ikki kun ichida 13 million dollar ishlab topdi. Ularga mazkur mablag‘ Xitoyning Makao shahrida ochilayotgan Studio City kazinosining reklama roligida suratga tushganlari uchun to‘langan, deb xabar berdi “Vesti”.
Qisqa metrajli rolik rejissori Di Kaprio va De Niro bilan avvaldan hamkorlik qiladigan Martin Skorseze bo‘lib, ssenariy “Klan Soprano” serialini yaratgan Terens Uinter tomonidan yozilgan. Kichik filmning narxi 70 million dollarni tashkil etdi.
Bred Pitt Skorsezening loyihasida suratga tushish uchun Nyu-Yorkdagi asal oyidan voz kechib, Maltaga uchib keldi. Eslatib o‘tamiz, 50 yoshli aktyor 23-avgust kuni Anjelina Joli bilan turmush qurgan edi.
Kazinoning ochilish marosimi kelgusi yilda o‘tkazilishi rejalashtirilgan. Yulduzlar qatnashgan maxsus rolik ham muxlislar e’tiboriga o‘sha vaqtda namoyish etiladi.
Izoh (0)