“Paxtakor” — “Mash’al” uchrashuvining vaqti bir kunga surildi

Oliy liganing 17-turidan o‘rin olgan “Paxtakor” — “Mash’al” uchrashuvi 23-avgust kuni o‘tkaziladi, deb qayd etdi Stadion.uz.

Avvalroq ushbu bahs 22-avgust kuni o‘tishi belgilab qo‘yilgan edi. Biroq “Paxtakor”ning olti nafar futbolchisi terma jamoa yig‘iniga jalb etilgani, 20-avgust kuni Bokuda Ozarbayjon terma jamoasiga qarshi o‘rtoqlik uchrashuvida maydonga tushishi sababli “Mash’al”ga qarshi o‘yin bir kun kech bo‘lib o‘tadi.

Terma jamoa Toshkentga 21-avgust kuni qaytib keladi. Shu sababli “Paxtakor” — “Mash’al” bellashuvi 23-avgust kuni o‘tkaziladi. O‘yin “Paxtakor” stadionida soat 17:00 da boshlanadi.

O‘sha kuni Toshkentda “Bunyodkor” va “Dinamo” jamoalari uchrashuvi ham bo‘lib o‘tadi.