Bugun, 14-avgust soat 8:30 atrofida Toshkentning kichik xalqa yo‘lida joylashgan “Mirxosil” AYoQShda yong‘in sodir bo‘ldi. Bu haqda Uz24.uz xabar bermoqda.
Guvohlarning ma’lum qilishicha, yong‘inga “Volga” (GAZ 3101) avtomobili gaz-ballonining portlab ketgani sabab bo‘lgan.
Suratlardan ko‘rish mumkinki, avtomobil yoqilg‘i quyish shoxobchasidagi ustunlardan biri to‘liq yonib ketgan.
Zarb to‘lqini qo‘shni avtomobil yuvish muassasasidagi deraza oynalarini ham sindirgan. Ayni damda voqea sodir bo‘lgan hudud o‘rab olingan.
Jabrlanganlar haqida ma’lumot berilmadi.
O‘zbekiston Ichki ishlar vazirligining Yong‘in xavfsizligi bosh boshqarmasi hozircha sodir bo‘lgan voqeaga izoh bermadi.
Izoh (0)