Microsoft kompaniyasi mashhurlar haqida yangiliklar berib boriladigan Snipp3t dasturini ishlab chiqdi. Bu haqda The Verge ma’lumotiga asoslanib “Parol” nashri xabar berdi.
Dastur hozircha faqat iPhone uchun mo‘ljallangan, u ajoyib interfeysga ega va foydalanish uchun qulay. Dasturda har bir mashhurning Microsoft tomonidan yaratilgan sahifasi mavjud. Unda yangiliklarga “layk” bosish va fikr bildirish ham mumkin. Sahifalar esa Microsoft’ning Bing qidiruv tizimidagi ma’lumotlar yordamida to‘ldirib boriladi.
Shuningdek, dastur Facebook bilan integratsiyalashadi va do‘stlaringiz qaysi mashhurlarni o‘qiyotgani haqida xabardor bo‘lib tura olasiz. Agar siz o‘qiydiganlarni do‘stlaringiz bilishini istamasangiz, dasturni Facebook bilan bog‘lamasdan ham ishlatsangiz bo‘ladi.
Izoh (0)