Birgalikdagi sakkiz yillik hayotdan keyin ham Gollivud aktyorlari Anjelina Joli va Bred Pitt juftligi dastlabki yaqinlikni saqlab qolishga muvaffaq bo‘lishdi. Ma’lum bo‘lishicha, ular ish tufayli uzoq vaqt ko‘risha olmagan vaqtida bir-biriga qo‘lda yozilgan maktub jo‘natadi. Bu haqda Today nashri xabar berdi.
Avstraliya OAVsiga bergan intervyusida Anjelina Joli sevgi xatlari yozishish g‘oyasi 2013-yil fevralida paydo bo‘lganini aytdi. O‘shanda yulduzlar dunyoning ikki chekkasida ish bilan band bo‘lgan.
“Bundan ko‘p yillar avval odamlar yillab bir-birini ko‘rmagani, o‘z hissiyotlari haqida sevgan kishilariga faqat qog‘oz va siyoh yordamida so‘zlab berganlarini tasavvur etib, biz bir-birimizga maktub bitar va shu bilan oramizdagi minglab kilometr masofani yengar edik, — dedi u. — Bu munosabatlarimizni mustahkamlagandek tuyuldi, biz uchrashuvimizni sabrsizlik bilan kutardik”.
Shunday bo‘lsa-da, juftlik uzoq vaqt ayrilmaslikka harakat qiladi. Ular ko‘pincha faqat biri uchun zarur bo‘lgan manzilga ham birgalikda borishadi.
Izoh (0)