Биргаликдаги саккиз йиллик ҳаётдан кейин ҳам Голливуд актёрлари Анжелина Жоли ва Брэд Питт жуфтлиги дастлабки яқинликни сақлаб қолишга муваффақ бўлишди. Маълум бўлишича, улар иш туфайли узоқ вақт кўриша олмаган вақтида бир-бирига қўлда ёзилган мактуб жўнатади. Бу ҳақда Today нашри хабар берди.
Австралия ОАВсига берган интервьюсида Анжелина Жоли севги хатлари ёзишиш ғояси 2013 йил февралида пайдо бўлганини айтди. Ўшанда юлдузлар дунёнинг икки чеккасида иш билан банд бўлган.
«Бундан кўп йиллар аввал одамлар йиллаб бир-бирини кўрмагани, ўз ҳиссиётлари ҳақида севган кишиларига фақат қоғоз ва сиёҳ ёрдамида сўзлаб берганларини тасаввур этиб, биз бир-биримизга мактуб битар ва шу билан орамиздаги минглаб километр масофани енгар эдик, — деди у. — Бу муносабатларимизни мустаҳкамлагандек туюлди, биз учрашувимизни сабрсизлик билан кутардик».
Шундай бўлса-да, жуфтлик узоқ вақт айрилмасликка ҳаракат қилади. Улар кўпинча фақат бири учун зарур бўлган манзилга ҳам биргаликда боришади.
Изоҳ (0)