Nowhereelse, BGR, Apple Insider nashrlari va iDownload blogi kuzda taqdim etilishi kutilayotgan iPhone 6 smartfoni haqidagi taxminlar va mish-mishlar qanchalik haqiqatga yaqinligini baholadi. Bu haqda LookAtMe ma’lumotiga asoslanib “Parol” nashri xabar berdi.
iPhone 6 smartfonining displeyi 4,7 dyuym bo‘lishi 100% ishonchli xabar deb topildi. Smartfon dizayni iPod Touch dizayni bilan o‘xshash bo‘ladi, degan taxmin 95% ko‘rsatkich bilan ikkinchi o‘rinni egalladi. Takomillashgan Touch ID – barmoq sensori o‘rnatilishi haqidagi xabar esa 85% natija qayd etdi.
Shuningdek, iPhone 6’da sapfir billuridan ishlangan displeyning o‘rnatilishi — 60%, kuchliroq batareya — 45%, barmoq bilan displey tugmalarini seza olish — 25 %, simsiz zaryadlash — 20%, smartfonning orqa tomonida nur taratib turadigan Apple logotipining bo‘lishi — 10% ishonchli deb topilgan.
Izoh (0)