2014-yilning 5-iyulida Tyumen temir yo‘l bekatida Rossiya Ichki ishlar vazirligi Tyumen bo‘limi xodimlari tomonidan O‘zbekiston fuqarosi qo‘lga olindi. 29 yoshli yigitga pora olish va jinoyat haqida xabar bermaslik yoki uni yashirishda ayblanib, xalqaro qidiruv e’lon qilingan. Bu haqda Ural transport prokuraturasi rasmiy sayti xabar bermoqda.
Ayblanuvchi Namangan viloyatidagi tumanlardan birida ichki ishlar bo‘limi militsiya vzvodi qo‘mondoni lavozimida ishlagan. 2010-yil dekabrida katta miqdordagi g‘o‘za urug‘i o‘g‘riligini 150 ming so‘m qiymatidagi moddiy rag‘bat evaziga yashirgan, shundan so‘ng Rossiya hududiga qochib ketgan.
Rossiya jinoyat qonunchiligiga ko‘ra, ayblanuvchi 7 yilgacha ozodlikdan mahrum qilinishi mumkin. Unga tegishli hujjatlar Rossiya Federatsiyasi Bosh prokuraturasiga yuborildi.
Izoh (0)