Apple va dasturiy ta’minot ishlab chiqarish bilan shug‘ullanuvchi IBM kompaniyasi korporativ mijozlar uchun mobil dasturlar ishlab chiqaradi. Bu haqda ITAR-TASS xabar berdi.
Kompaniyalar rahbarlari Kuk va Romettining so‘zlariga ko‘ra, birgalikda chiqarilgan mahsulot birinchi bo‘lib IBM’ning korporativ mijozlariga taklif qilinadi. Yangi dasturlar soddaligi bilan farq qiladi va uni yaratishda korporativ mijozlar bilan ishlaydigan IBM konsultantlarining katta tajribasidan foydalaniladi.
Yangi mahsulotlar katta hajmdagi ma’lumotlarni analiz qilish, ma’lumot havfsizligi va turli xil qurilmalarni boshqarishda ishlatilishi rejalashtirilgan. IBM xodimlari esa texnik yordamga javobgar bo‘ladi.
iOS operatsion tizimida ishlaydigan bu dasturlar joriy yilning kuzida taqdim etiladi va 2015-yildan birgalikda ishlab chiqilgan dasturlar soni ko‘payadi, deb yozadi The Verge nashri.
Izoh (0)