BMT Taraqqiyot dasturi va Ko‘ngillilar dasturi “O‘zbekistonda ijtimoiy innovatsiyalar va ko‘ngillilik” loyihasi doirasida eko-sumkalardan foydalanish va plastik paketlardan asta-sekinlik bilan voz kechish bo‘yicha Korzinka.uz do‘konlarida aksiya o‘tkazdi. Bu haqda Anhor.uz xabar berdi.
Tashkilotchilar so‘zlariga ko‘ra, aksiyani o‘tkazishdan maqsad savdo tarmog‘i mijozlarini plastik paketlar zarari haqida ogohlantirish va yangi eko-sumkalarga o‘tish ahamiyati bilan tanishtirishdan iborat bo‘ldi. Ushbu sumkalar imkoniyati cheklangan ayollar ishlaydigan maxsus korxonada tayyorlanadi. Ular uch turda, turli matolar, jumladan bo‘z va plashbop matodan tikiladi.
“Eko-sumkani sotib olish bilan mijozlar nafaqat atrof-muhit muhofazasiga o‘z hissasini qo‘shadi, balki ularni ishlab chiqarishda band bo‘lgan imkoniyati cheklangan ayollarni ham qo‘llab-quvvatlaydi”, — deb yozadi nashr.
Sumka 5950 so‘mdan sotilmoqda.
Izoh (0)