БМТ Тараққиёт дастури ва Кўнгиллилар дастури «Ўзбекистонда ижтимоий инновациялар ва кўнгиллилик» лойиҳаси доирасида эко-сумкалардан фойдаланиш ва пластик пакетлардан аста-секинлик билан воз кечиш бўйича Korzinka.uz дўконларида акция ўтказди. Бу ҳақда Anhor.uz хабар берди.
Ташкилотчилар сўзларига кўра, акцияни ўтказишдан мақсад савдо тармоғи мижозларини пластик пакетлар зарари ҳақида огоҳлантириш ва янги эко-сумкаларга ўтиш аҳамияти билан таништиришдан иборат бўлди. Ушбу сумкалар имконияти чекланган аёллар ишлайдиган махсус корхонада тайёрланади. Улар уч турда, турли матолар, жумладан бўз ва плашбоп матодан тикилади.
«Эко-сумкани сотиб олиш билан мижозлар нафақат атроф-муҳит муҳофазасига ўз ҳиссасини қўшади, балки уларни ишлаб чиқаришда банд бўлган имконияти чекланган аёлларни ҳам қўллаб-қувватлайди», — деб ёзади нашр.
Сумка 5950 сўмдан сотилмоқда.
Изоҳ (0)