Украина ўзининг Қрим билан чегарасини вақтинча ёпиб қўйди

Украина ҳукумати Қрим билан чегарасидаги ўтказиш пунктини вақтинча ёпишга қарор қилди. Бу ҳақда Украина вазирлар маҳкамаси сайтига асосланиб, «РИА Новости» хабар берди.

Сайтда қайд этилишича, ташқи ишлар вазирлигига Украинадаги хорижий давлатлар дипломатик ваколатхоналари ҳамда Украинанинг дипломатик ваколатхоналари ва консуллик муассасаларини ўтказиш пунктлари ва назорат пунктлари вақтинчалик ёпилгани ҳақида хабардор қилиш топширилган.

Ҳужжатга берилган иловада гап Қрим ва Севастополда жойлашган ўтказиш пунктлари ҳақида бораётгани таъкидланган.