13-aprel, yakshanba kuni Toshkent shahrida parkovka “san’ati”ga bag‘ishlangan o‘quv mashg‘uloti o‘tkaziladi. U Facebook foydalanuvchilari tomonidan tashkil qilinadi.
Mashg‘ulotda to‘g‘ri parkovka qilish va to‘siqlarga chap berish sirlari soha mutaxassisi tomonidan o‘rgatiladi.
“Mahorat darsini avtomobil haydashni biladigan, biroq to‘g‘ri parkovka qila olmaydigan tanishlarim iltimosiga ko‘ra uyushtirmoqdamiz”, — deb yozadi Facebook foydalanuvchisi.
Ko‘rsatilgan raqamga SMS jo‘natish orqali, xohlovchilar mashg‘ulotdan joy bron qilishi mumkin. Har bir darsda ko‘pi bilan o‘n kishi ishtirok etadi.
“Men noto‘g‘ri parkovka qilganimda ustimdan kulishlarini yoki so‘kish eshitishni xohlamayman. Siz-chi?” — deya tashkilotchi foydalanuvchi barcha haydovchilarni mashg‘ulotga chorlab qolgan.
Izoh (0)