Samarqand viloyati Oqdaryo tumanidagi xonadonlardan birida kelin o‘z turmush o‘rtog‘i tomonidan bo‘g‘ib o‘ldirildi. Bu haqda “Millar” dasturida xabar berildi.
Ma’lum qilinishicha, turmush qurganiga 7 yil bo‘lgan er-xotin o‘rtasida doimiy janjallar bo‘lib turgan. Ular mahallada nizoli oilalar ro‘yxatiga kiritilgan. Erkak bundan avval ma’muriy javobgarlikka tortilgan va 15 sutka qamoqda bo‘lgan. Vaqt o‘tib, ular muammoli oilalar ro‘yxatidan chiqarilgan.
Marhumaning onasi qizi doimiy ravishda janjallar orasida yashaganini, janjalga qaynonasi, qaynsingillari aralashganini, ular qizini kaltaklaganini ta’kidlagan. Ayol bir necha bor qiziga yashamaslikni aytgan, biroq marhuma eri yaxshi ekanini aytib yashashda davom etgan.
Hodisa sodir bo‘lgan kuni marhumaning yaqinlari voqea joyiga yetib borganida, hudud huquq-tartibot idoralari xodimlari tomonidan o‘rab olingan bo‘lgan. Qizlarini ko‘rish imkoni bo‘lmagan. Ularga qizlarini kuyovi bo‘g‘ib o‘ldirgani haqida xabar berilgan.
Viloyat prokuraturasining xabariga ko‘ra, hozirda holat yuzasidan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilgan. Gumonlanuvchi hibsga olingan, holat yuzasidan tergov olib borilmoqda.
Shu kuni Samarqand viloyati Toyloq tumanida 26-iyul kuni Zeboyi Jahon taxallusi bilan tanilgan xonanda Zebiniso Nosirova o‘ldirib ketilgani haqida xabar berildi. Qotillikda uning turmush o‘rtog‘i gumon qilinmoqda. Xabarda aytilishicha, er bolalarini ko‘rish uchun xonandaning uyiga kelgan. Suhbat davomida er-xotin o‘rtasida janjal kelib chiqqan. Janjal paytida erkak uni qo‘llari bilan bo‘g‘gan, oqibatda ayol voqea joyida vafot etgan.
Toshkent viloyatida er ayolini o‘lgunicha kaltaklab, vafotiga sababchi bo‘lgani haqida xabar berilgan. Andijonda esa erkak janjal sabab xotinini o‘ldirdi.
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
- Surxondaryoda 71 yoshli ayol o‘z uyida o‘ldirib ketildi.
- Buxorolik erkak xotini bilan ajrashishni talab qilgan ayolni yostiq bilan o‘ldirdi.
Izoh (0)