13 апрель, якшанба куни Тошкент шаҳрида парковка «санъати»га бағишланган ўқув машғулоти ўтказилади. У Facebook фойдаланувчилари томонидан ташкил қилинади.
Машғулотда тўғри парковка қилиш ва тўсиқларга чап бериш сирлари соҳа мутахассиси томонидан ўргатилади.
«Маҳорат дарсини автомобиль ҳайдашни биладиган, бироқ тўғри парковка қила олмайдиган танишларим илтимосига кўра уюштирмоқдамиз», — деб ёзади Facebook фойдаланувчиси.
Кўрсатилган рақамга SMS жўнатиш орқали, хоҳловчилар машғулотдан жой брон қилиши мумкин. Ҳар бир дарсда кўпи билан ўн киши иштирок этади.
«Мен нотўғри парковка қилганимда устимдан кулишларини ёки сўкиш эшитишни хоҳламайман. Сиз-чи?» — дея ташкилотчи фойдаланувчи барча ҳайдовчиларни машғулотга чорлаб қолган.
Изоҳ (0)