Respublika Ichki ishlar vazirligi Bosh boshqarma va boshqarmalari mutaxassislari bilan bevosita muloqot tashkil etiladi. Bu haqda IIV matbuot xizmati xabar berdi.
Bunda ichki ishlar idoralari faoliyatiga doir turli masalalar yuzasidan savollar tushayotgani inobatga olindi, deyiladi xabarda. Dastlabki bevosita muloqot pasport tizimi masalalariga bag‘ishlanadi. U 2014-yil 8-aprel, seshanba kuni soat 10:00 dan 12:00 gacha bo‘lib o‘tadi.Muloqotda O‘zbekiston Respublikasi IIV Xorijga chiqish, kirish va fuqarolikni rasmiylashtirish boshqarmasining yetakchi rahbarlari va mutaxassislari ishtirok etadilar. Ularga 231-41-09, 230-34-07 telefonlari orqali murojaat etish mumkin.
Savollar oldindan yozma ravishda ham qabul qilinadi (faks: 255-31-39).
Manzil: 100070, Toshkent shahri, Shota Rustaveli 1-berk ko‘chasi, 1-uy.