O‘zbekiston va Saudiya Arabistoni tashqi ishlar vazirlari diplomatik va maxsus pasport egalarini o‘zaro qisqa muddatli viza talablaridan ozod etish to‘g‘risidagi hukumatlararo bitimni imzoladi.
O‘zbekiston tashqi ishlar vaziri Baxtiyor Saidov bugun, 15-aprel kuni Toshkentga tashrif buyurgan Saudiya Arabistoni tashqi ishlar vaziri, shahzoda Faysal bin Farxon Ol Saud bilan uchrashdi. Bu haqda TIV vaziri o‘z sahifasida yozib qoldirdi.
“Saudiya Arabistoni Podshohligi tashqi ishlar vaziri shahzoda Faysal bin Farxon Ol Saud hazrati oliylari bilan ko‘rishganimizdan mamnunmiz. O‘zbekiston Respublikasi bilan Saudiya Arabistoni Podshohligi o‘rtasida ko‘p qirrali hamkorlik va keng qamrovli sheriklik munosabatlarini amaliy boyitishga alohida eʼtibor qaratdik.
Muloqotimizdan mintaqaviy kun tartibi va ko‘p tomonlama platformalar doirasidagi o‘zaro hamkorlik masalalari ham o‘rin oldi. Diplomatik va maxsus pasport egalarini o‘zaro qisqa muddatli viza talablaridan ozod etish to‘g‘risidagi hukumatlararo bitimni imzoladik”, — deyiladi xabarda.
Izoh (0)