Qashqadaryo viloyatining Qarshi shahrida ichida 25 nafar bola bilan harakatlanib kelayotgan Damas rusumli avtomobil yo‘l-patrul xizmati xodimi tomonidan to‘xtatildi. Bu haqda IIV matbuot xizmati xabar berdi.
Qayd qilinishicha, haydovchi bog‘cha yoshidagi bolalarni shu tarzda bog‘chadan uyiga olib borishga qaror qilgan. Avtomobil salonida haydovchi va bolalardan tashqari yana bir nafar yo‘lovchi ham bo‘lgani aytilmoqda.
Holat yuzasidan ma’muriy bayonnoma rasmiylashtirilib, avtomobil jarima maydonchasiga qo‘yilgan.
2023-yil sentyabrda Buxoro viloyati G‘ijduvon tumanida bog‘cha mudirasi 25 nafar bolani o‘z Spark’ida olib ketayotganida to‘xtatilgandi. Bundan tashqari, Surxondaryoda ham haydovchi Damas’da 25 nafar bog‘cha bolasini olib ketayotgani ma’lum bo‘lgan edi.
Izoh (0)