Қашқадарё вилоятининг Қарши шаҳрида ичида 25 нафар бола билан ҳаракатланиб келаётган Damas русумли автомобиль йўл-патрул хизмати ходими томонидан тўхтатилди. Бу ҳақда ИИВ матбуот хизмати хабар берди.
Қайд қилинишича, ҳайдовчи боғча ёшидаги болаларни шу тарзда боғчадан уйига олиб боришга қарор қилган. Автомобиль салонида ҳайдовчи ва болалардан ташқари яна бир нафар йўловчи ҳам бўлгани айтилмоқда.
Ҳолат юзасидан маъмурий баённома расмийлаштирилиб, автомобиль жарима майдончасига қўйилган.
2023 йил сентябрда Бухоро вилояти Ғиждувон туманида боғча мудираси 25 нафар болани ўз Spark’ида олиб кетаётганида тўхтатилганди. Бундан ташқари, Сурхондарёда ҳам ҳайдовчи Damas’да 25 нафар боғча боласини олиб кетаётгани маълум бўлган эди.
Изоҳ (0)