Samarqand viloyati Ishtixon tumanida Lacetti urib yuborgan mototsikldagi ota va uning 13 yashar qizi halok bo‘ldi. Bu haqda “Hudud” informatsion dasturida xabar berildi.
Unga ko‘ra, Lacetti haydovchisi Ishtixon tumanidagi Odil mahallasi hududida tezlikni meʼyordan oshirgan va qarama-qarshi yo‘nalishda o‘z yo‘lidan kelayotgan mototsikl bilan to‘qnashgan.
YTH oqibatida mototsikl haydovchisi va uning 2011-yilda tug‘ilgan qizi og‘ir tan jarohatlari olib, voqea joyida halok bo‘lgan. Holat yuzasidan tuman IIB tergov bo‘limi tomonidan Jinoyat kodeksining 266-moddasi 3-qismi “a” bandi bilan jinoyat ishi qo‘zg‘atilgan.
Haydovchi prosessual tarzda qamoqqa olingan. Hozirda tergov harakatlari olib borilmoqda.
Izoh (0)