“Milliy tiklanish” demokratik partiyasining saylovoldi dasturidagi muhim tashabbuslar e’lon qilindi

O‘zbekiston “Milliy tiklanish” demokratik partiyasining IX qurultoyida tasdiqlangan saylovoldi dasturida bosh shior sifatida “Qadriyatlarga tayangan taraqqiyot uchun” g‘oyasini ilgari surgani bejiz emas.

Xabaringiz bor, 2024-yil 27-oktyabrda O‘zbekistonda Qonunchilik palatasi va mahalliy Kengashlarga saylovlar bo‘lib o‘tadi.

“Milliy tiklanish” demokratik partiyasi a’zolar soni 2024-yilga borib 762 ming nafar a‘zolari bo‘lib, doimiy elektorati va tarafdorlariga ega bo‘lgan siyosiy kuch sifatida jamiyat hayotida o‘z o‘rnini egallagan partiyalardan biridir.

Partiyaning amaldagi saylovoldi dasturida 300 dan ortiq vazifalar belgilangan bo‘lib, shu vaqtga qadar mazkur vazifalarning 294 tasi (98 foizi) ni ijrosini ta’minlashga erishilgan.

Jumladan: 30 tasi – qonunchilikda, 130 tasi – Prezident qaror va farmonlarida, 77 tasi – Vazirlar Mahkamasi va vazirliklarning qarorlarida, 25 tasi – 2022—2026-yillarga mo‘ljallangan Yangi O‘zbekistonning taraqqiyot strategiyasini 2023-yilda amalga oshirishga oid Davlat dasturida takliflari orqali aks ettirgan.

Avval ta'kidlanganidek bu safargi parlament saylovlari zamonaviy axborot-kommunikatsiya texnologiyalaridan foydalanish jihatidan mutlaqo yangi darajada o'tkazilmoqda. Bu o'z navbatida byudjet mablag'larini tejash imkonini yaratmoqda.

Shu bilan birga “Pedagoglar maqomi to‘g‘risida”gi qonun tashabbusi qildi 2020/2021-o‘quv yilidan 1-9-sinflari uchun hamda 2021/2022-o‘quv yilidan 10-11-sinflar uchun “Tarbiya” fani joriy etilishiga erishildi, mahalliy ijro hokimiyati rahbarini bir vaqtning o‘zida xalq deputatlari mahalliy Kengashi raisi bo‘lishi bilan bog‘liq tartibni bekor qilish qonunchilikda aniq belgilab qo‘yildi.

 Qurultoyda partiyaning vakillik organlariga bo‘lib o‘tadigan saylovlarda ishtiroki bilan bog‘liq muhim masala ham ko‘rib chiqildi.

Partiya yangi saylovoldi dasturi loyihasida o‘zbek tilidagi ma'lumotlar bazasini kengaytirish, har yili xorijiy tildagi mingta ilmiy adabiyotni davlat tiliga tarjima qilish, shuningdek, yuqorida sanalgan muammolar yechimiga qaratilgan boshqa qator takliflar ilgari surmoqda.

Shu jumladan, “Davlat tili haqida”gi qonunni buzganlik uchun javobgarlikni kuchaytirish, mahalla faoliyatini takomillashtirish, madaniy merosimizni muhofaza qilish, hunarmandchilik maqomini o‘zgartirish, oilaviy ajrimlarning oldini olish, turli marosimlarni tartibga solish, turizmni rivojlantirish yo‘lidagi muammolarni bartaraf etish, millat genofondini saqlash, oziq-ovqat xavfsizligini ta'minlash, xalq tabobatini rivojlantirish, xorijdagi vatandoshlarimiz manfaatini himoya qilish, aholining huquqiy va siyosiy madaniyatini oshirish ustuvor vazifa etib belgiladi.