Самарқанд вилояти Иштихон туманида Lacetti уриб юборган мотоциклдаги ота ва унинг 13 яшар қизи ҳалок бўлди. Бу ҳақда “Ҳудуд” информацион дастурида хабар берилди.
Унга кўра, Lacetti ҳайдовчиси Иштихон туманидаги Одил маҳалласи ҳудудида тезликни меъёрдан оширган ва қарама-қарши йўналишда ўз йўлидан келаётган мототцикл билан тўқнашган.
ЙТҲ оқибатида мотоцикл ҳайдовчиси ва унинг 2011 йилда туғилган қизи оғир тан жароҳатлари олиб, воқеа жойида ҳалок бўлган. Ҳолат юзасидан туман ИИБ тергов бўлими томонидан Жиноят кодексининг 266-моддаси 3-қисми “а” банди билан жиноят иши қўзғатилган.
Ҳайдовчи просессуал тарзда қамоққа олинган. Ҳозирда тергов ҳаракатлари олиб борилмоқда.
Изоҳ (0)