Ijtimoiy tarmoqlarda fuqaro boshqa shaxsga qo‘l ko‘targani aks etgan video tarqalib, turli muhokamalarga sabab bo‘lmoqda. Mazkur holat yuzasidan IIBB ma’lumot berdi.
Ma’lum qilinishicha, 16-sentyabr kuni Sergeli tumani 5-mavze hududida joylashgan ko‘p qavatli uylar oldida, 1992-yilda tug‘ilgan M.I. o‘zaro kelishmovchilik oqibatida 2008-yilda tug‘ilgan T.T.ni bir necha marotaba urgan. Bunga sinfdoshlar — M.I.ning qizi va T.T.ning ukasi o‘rtasidagi nizo sabab bo‘lgan.
Birlamchi tibbiy ma’lumotga ko‘ra, voyaga yetmagan T.T.ga “chap ko‘krak qafasi yumshoq to‘qimalarining lat yeyishi” tashxisi qo‘yilgan.
Ta’kidlanishicha, mazkur holat yuzasidan Sergeli tumani IIO FMB tomonidan tergovga qadar tekshiruv o‘tkazilmoqda, yakuni bo‘yicha qonuniy qaror qabul qilinishi ta’minlanadi.
Bundan avval Buxoro viloyati Olot tumanida erkak o‘g‘li bilan urishgan 5 yashar bolani kaltaklagani haqida xabar berilgandi. Shuningdek, Andijondagi bog‘chada tarbiyachi bolaning yuziga bir necha bor tarsaki tushirgani to‘g‘risida xabar berilgandi.
Izoh (0)