Toshkent va Namangan viloyati tog‘li hududlarida qor ko‘chish xavfi e’lon qilindi.
“O‘zgidromet” axborotiga ko‘ra, 8—12-fevral kunlari yog‘ingarchilik hamda havo haroratining o‘zgarishi kutilmoqda.
Shu sababli respublikaning tog‘li hududlarida, jumladan:
- Toshkent viloyati Bo‘stonliq, Ohangaron va Parkent tumanlari (Chotqol tizmasining tog‘lari);
- Namangan viloyati Pop tumanida qor ko‘chish xavfi e’lon qilindi.
Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘raldi.
O‘zbekistonda ushbu hafta havo haroratining asta-sekin ko‘tarilishi prognoz qilingandi. Oyning ikkinchi va uchinchi o‘n kunliklarda har o‘n kunlikda 2-3 kundan yog‘ingarchilik (yomg‘ir, qor) bo‘lishi kutilmoqda.
Izoh (0)