O‘zbekiston terma jamoasi va “Manchester Siti” klubi himoyachisi Abduqodir Husanov Angliyada qanday turdagi mashina boshqarishi ma’lum bo‘ldi. Mancityfever tarqatgan videoga ko‘ra, futbolchi BMW i4 modelidan foydalanadi.
Shuningdek, videoda “shaharliklar”ning qolgan a’zolari boshqaradigan avtomobil modellarini ham ko‘rish mumkin. Xususan, Omar Marmush Mercedes-Benz G-Class (G63 AMG) rusumidagi qora rangli mashinada yuradi. Erling Holand yaqinda xarid qilgan Ferrari 812 Superfast Blue, Fil Foden Range Rover Velar, Vitor Reys BMW ix ixdrive 50, Niko Gonsales hamda Jeyms Makeyti Mercedes AMG CLA 45, Jek Grilish Lamborgini Urus, Ruben Dias esa Lamborgini Aventador superkaridan foydalanishini ko‘rish mumkin.
https://x.com/mancityfever2/status/1922300417628668022?s=46
Ma’lumot uchun, 36-turdan keyin Pep Gvardiola jamoasi Angliya Premyer Ligasi turnir jadvalida 65 ochko bilan 4-o‘rinni egallab turibdi. Ular navbatdagi uchrashuvni Angliya Kubogi finali doirasidagi “Kristal Pelas”ga qarshi o‘tkazadi. Agar “shaharliklar” g‘alaba qozonsa, Husanov Angliyadagi ilk sovrinini yutishi mumkin. Uchrashuv 17-may kuni O‘zbekiston vaqti bilan 20:30 da boshlanadi.
Izoh (0)