“Manchester Siti” himoyachisi Ruben Diash yosh jamoadoshi Abduqodir Husanov haqida iliq fikr bildirdi.
Diash City Report nashriga bergan intervyusida Husanovning yosh ekanini ta’kidlab, bu uning yaxshi o‘yin ko‘rsatishiga halaqit bermasligini aytdi.
Husanov hali yosh. Biroq u juda yaxshi o‘yin ko‘rsatmoqda. “Nottengem“ga qarshi bahsda ham ajoyib harakat qildi, deydi Diash.
Ushbu mavsumda o‘zbekistonlik himoyachi “shaharliklar” safida 7 ta o‘yin o‘tkazib, bitta gol urishga muvaffaq bo‘ldi. Uning klub bilan shartnomasi 2029-yilning yoziga qadar tuzilgan. Transfermarkt ma’lumotlariga ko‘ra, futbolchining narxi 12 million yevroni tashkil etadi.
Ma’lumot uchun, Husanov yaqinda “Manchester Siti”ning fevral oyidagi eng yaxshi futbolchisi sifatida e’tirof etildi. Futbolchi ushbu sovrin uchun Erling Holand va Yoshko Gvariolni ortda qoldirdi.
Izoh (0)