Xabi Alonso rasman Madridning “Real” klubi bosh murabbiy etib tayinlandi. Bu haqda “qirollik klubi” matbuot xizmati ma’lum qildi.
-lsalEVf4.avif)
43 yoshli ispaniyalik mutaxassis klub bilan 2028-yil yozigacha mo‘ljallangan shartnoma imzoladi. Bitim 1-iyundan boshlab faollashadi.
Xabi Alonso 2022-yil oktyabridan buyon Germaniyaning “Bayer” klubini boshqarib kelayotgan edi. Uning qo‘l ostida Leverkuzen jamoasi Bundesligada ilk bor chempionlikni qo‘lga kiritdi, shuningdek, Germaniya Kubogida ham g‘alaba qozongan.
Eslatib o‘tamiz, Alonso 2009–2014-yillar oralig‘ida “Real” safida futbolchi sifatida to‘p surgan va jamoa bilan 6 ta sovrinni, jumladan La Liga va Chempionlar Ligasi kubogini qo‘lga kiritgan.
Avvalroq, Karlo Anchelotti mavsum yakunida “Real” bosh murabbiylik lavozimidan ketishi e’lon qilingan edi. Italiyalik mutaxassis kecha, 24-may kuni “qaymoqranglilar” safidagi oxirgi o‘yinini o‘tkazdi. Endi Anchelotti Braziliya terma jamoasida ish boshlaydi.
Izoh (0)