Eng ko‘p pensiya mablag‘lari Farg‘ona viloyatidagi, eng kam miqdor esa Sirdaryo viloyatidagi pensionerlarga to‘langan.
2025-yil may oyi uchun 4 mln 135 ming nafar pensionerga jami 6 trln 58 mlrd so‘m pensiya to‘lab berildi. Bu haqda Pensiya jamg‘armasi maʼlum qildi.
Eng ko‘p pensionerlar soni Farg‘ona (489,4 ming nafar) va Samarqand (438,1 ming kishi) viloyatlarida, kam ulushi esa Sirdaryo (105, 9 ming kishi) viloyatida qayd etilgan. Ammo umumiy hisobda 369,2 ming pensioner bo‘lgan Toshkent shahriga eng ko‘p miqdordagi — 742,4 mlrd so‘m pensiya mablag‘i to‘langan.
May oyida hududlardagi pensionerlarga quyidagi miqdorlarda pensiya mablag‘lari to‘langan:
- Qoraqalpog‘iston — 319,1 mlrd so‘m;
- Andijon viloyati — 487 mlrd so‘m;
- Buxoro viloyati — 390,5 mlrd so‘m;
- Jizzax viloyati — 196,2 mlrd so‘m;
- Qashqadaryo viloyati — 536,8 mlrd so‘m;
- Navoiy viloyati — 261,5 mlrd so‘m;
- Namangan viloyati — 405 mlrd so‘m
- Samarqand viloyati — 630 mlrd so‘m;
- Sirdaryo viloyati — 157,7 mlrd so‘m;
- Surxondaryo viloyati — 372,9 mlrd so‘m;
- Toshkent viloyati — 605 mlrd so‘m;
- Farg‘ona viloyati — 638,2 mlrd so‘m;
- Xorazm viloyati — 315,3 mlrd so‘m.
O‘zbekistonda 2025-yil 1-martdan boshlab pensiya yoshiga yetgan fuqarolarga pensiyalar avtomatik tarzda, yaʼni hech qanday hujjat talab etmagan holda va fuqaroning murojaatisiz tayinlana boshlandi. Bunda fuqaro shaxsiga oid barcha maʼlumotlar vazirlik va idoralarning elektron bazalaridan olinadi.
Izoh (0)