Toshkent shahar Favqulodda vaziyatlar boshqarmasi Uchtepa tumanida sodir bo‘lgan yong‘in to‘g‘risida maʼlumot berdi.
Qayd etilishicha, 21-iyun kuni soat 08:08 da Uchtepa tumani Katta Qani ko‘chasida joylashgan restoranlarning birida yong‘in sodir bo‘lgani to‘g‘risida FVBga xabar tushgan.
Shunga ko‘ra, 4 ta yong‘in-qutqaruv ekipaji voqea joyiga soat 08:16 da yetib borib, yong‘in soat 08:31 da o‘chirilgan.
Yong‘in natijasida restoran hududining gaz taqsimlash xonasida bo‘lgan gaz taqsimlash uskunasi va 5 kvadrat metr maydonda taxta bo‘laklari yongan.
Yong‘in sababi va zarari aniqlanmoqda. Yong‘in natijasida tan jarohati olgan va halok bo‘lgan fuqarolar to‘g‘risida xabar kelib tushmadi, — deyiladi xabarda.
Avvalroq Surxondaryoda beshta savdo do‘konida yong‘in sodir bo‘lgani, Toshkentdagi avtoservisda 3 ta avtomobil yonib ketgani, “Kosmonavtlar” metro bekati yaqinida yerosti kabeli yongani to‘g‘risida xabar berilgandi.
Izoh (0)