Ahmad Suvonqulov “O‘zsuvtaʼminot” aksiyadorlik jamiyati boshqaruvi raisi vazifasini bajaruvchi etib tayinlandi.
Tayinlovga qadar u Surxondaryo viloyati hokimligi “Yagona buyurtmachi xizmati” injiniring kompaniyasi direktori lavozimida ishlagan. May oxirlarida “Daryo” manbasi Dilshod Azimov “O‘zsuvta’minot” rahbari vazifasini bajarishdan ozod etilgani to‘g‘risida xabar bergandi.
Ahmad Suvonqulov 1968-yilning 7-noyabrida Jarqo‘rg‘on tumanida tug‘ilgan. 1994-yilda Toshkent davlat texnika universiteti, 2009-yilda Toshkent moliya institutini tamomlagan.
Uzoq yillik faoliyati davomida Surxondaryo viloyati hokimligida kotibiyat mudiri, viloyat hokimligi “Yagona buyurtmachi xizmati” injiniring kompaniyasi direktori, Sho‘rchi tumani hokimining birinchi o‘rinbosari, Moliya vazirligi Investitsiya boshqarmasi boshlig‘i o‘rinbosari va boshqa mas’uliyatli lavozimlarda faoliyat yuritgan.
2019-yilda u viloyat hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari etib tayinlangan edi.
Izoh (0)