Fransiyaning Landerno shahridagi aholi smurflar kostyumidagi odamlar soni bo‘yicha jahon rekordini o‘rnatdi. Bu haqda franshizaning Instagramʼdagi rasmiy sahifasida xabar berilgan.
Birinchi marta bunday rekord 2019-yilda Germaniyada o‘rnatilgan, o‘shanda multfilmdagi ko‘k qahramonlarning kiyimlarida 2762 kishi chiqqan. Shundan so‘ng Landerno aholisi rekordni ikki marta yangilashga harakat qildi, ammo uchinchi urinishdagina rekordchi bo‘lishga muvaffaq bo‘ldi.
Bu safar 18-iyul kuni “Smurflar” filmining premyerasi oldidan Paramount Pictures shahar aholisining tashabbusini qo‘llab-quvvatladi.
Ko‘k personajlarning obrazini birinchi marta belgiyalik rassom Per Kyullifor (taxallusi — Peyo) 1958-yilda chizgan. 1980-yillarda “Smurflar” animatsion seriali chiqa boshladi, shundan buyon noodatiy qahramonlar jahonga mashhur bo‘ldi.
Izoh (0)