Ekologik partiyasi markaziy kengashi Ijroiya qo‘mitasi sobiq raisi Narzullo Oblomuradov Toshkent davlat agrar universitetining o‘quv ishlari bo‘yicha prorektori lavozimiga tayinlandi. Bu haqda Qishloq xo‘jaligi vazirligi xabar berdi.
Narzullo Oblomurodov 2021-yil fevral oyida O‘zbekiston Ekologik partiyasi markaziy kengashi Ijroiya qo‘mitasi raisi etib saylangandi. Keyinchalik u prezidentlik saylovida Ekopartiyadan nomzod sifatida tasdiqlangan. 24-oktyabr kuni bo‘lib o‘tgan saylovda u 670 ming 641 ta ovoz bilan 4-o‘rinni egallagan.
2023-yil iyulda Narzullo Oblomurodov boshqa ishga o‘tishi munosabati bilan tabiat resurslari vazirining o‘rinbosari lavozimidan ozod etilib, Toshkent moliya institutining ilmiy ishlar va innovatsiyalar bo‘yicha prorektor lavozimiga tayinlangan edi. U 2022-yilning 30-dekabridan buyon tabiat resurslari vaziri o‘rinbosari lavozimida ishlab kelgan. Keyinchalik 2023-yil iyun oyida boshqa ishga o‘tishi munosabati bilan ushbu lavozimdan ham ozod etilgan.
Izoh (0)