Komiljon Karimov Toshkentdagi Xalqaro Vestminster universiteti rektori etib tayinlandi. Bu haqda bosh vazir matbuot kotibi xabar berdi.
Shu munosabat bilan Bahrom Mirqosimov ushbu lavozimdan ozod qilindi. U Xalqaro Vestminster universitetiga 2020-yil 17-sentyabridan rektorlik qilib kelayotgandi.
Komiljon Karimov 2021-yildan beri oliy taʼlim, fan va innovatsiyalar vazirining birinchi o‘rinbosari sifatida ishlab kelayotgan edi. U Xalqaro Vestminster universitetiga 2015—2020-yillarda ham rektor bo‘lgan.
Shohrux Daliyev uning o‘rniga oliy taʼlim, fan va innovatsiyalar vazirining birinchi o‘rinbosari etib tayinlandi. U 2017—2024-yillarda Vazirlar Mahkamasining taʼlim va ilm-fan masalalariga masʼul departament va kotibiyatlarida o‘rta maxsus, professional taʼlim, oliy va oliy taʼlimdan keyingi taʼlim hamda oliy taʼlim ilm-fanini rivojlantirish bo‘yicha bosh mutaxassis lavozimlarida faoliyat yuritib kelgan.
Izoh (0)