Bugun, 21-iyun kuni Vazirlar Mahkamasida Shavkat Mirziyoyevning tegishli qaroriga asosan, lavozimlarga tayinlangan va tasdiqlagan bir qator nomzodlar bosh vazir Abdulla Aripov tomonidan hukumat aʼzolariga tanishtirildi. Bu haqda bosh vazir matbuot kotibi xabar berdi.
- Xususan, Abduvaqqos Rafiqov Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi raisi;
- Azim Ahmadxo‘jayev Vazirlar Mahkamasi huzuridagi Atom energiyasi agentligi direktori;
- Olimjon Umarov Raqamli texnologiyalar vazirining birinchi o‘rinbosari;
- Jamshid Tursunov Transport vazirligi huzuridagi Avtomobil yo‘llari qo‘mitasi raisi lavozimiga tayinlandi.
Shu bilan birga, Vazirlar Mahkamasining tegishli qaroriga asosan, Amriddin Abdurahmonov Transport vazirligi huzuridagi Avtomobil yo‘llari qo‘mitasi raisining yo‘l xo‘jaligi sohasiga ilg‘or xorijiy tajribalarni tatbiq etish va raqamlashtirish masalalari bo‘yicha o‘rinbosari lavozimiga tayinlangani maʼlum qilindi.
Eslatib o‘tamiz, hukumat qarori bilan bosh vazir maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i lavozimida ishlab kelgan Olimjon Umarov 2021-yilda lavozimidan ozod qilingan edi.
Izoh (0)