Rossiya prezidenti Vladimir Putin alyans davlatlarining zaifligini, ularning tarqoqligini va urushdan charchaganini ko‘rsatib, NATO davlatlariga hujum qilishga tayyor, deya Foreign Affairs nashri xabar berdi.
Xabarda Vladimir Putin tomonidan Ukrainada boshlangan urushdan avvaliga hayratlangan rossiyalik yuqori martabali amaldorlar va yirik tadbirkorlar hozirda g‘alaba qanday bo‘lishini muhokama qilayotgani aytilgan. Amaldorlarga ko‘ra, urush faqat Rossiyaning g‘alabasi bilan yakunlanishi mumkin.
G‘olib siymosida quvg‘in bo‘lish yomon, lekin mag‘lub bo‘lish bundan ham yomoni. Biz bu urushda g‘alaba qozonishimiz kerak. Aks holda ular bizga yashashga bermaydi. Rossiya, albatta, parchalanib ketadi, — deydi rossiyalik oligarxlardan biri.
Nashrga ko‘ra, Vashington va Bryusseldagi haqiqiy dushmanlarini mag‘lub etish uchun Putin NATO a’zolaridan biriga hujum qilish kerakligini his qilishi mumkin. Ismi oshkor etilmagan rossiyalik elita nishon Estoniya yoki Latviya bo‘lishi mumkinligini ma’lum qilgan.
Moskvaning fikricha, G‘arb charchagan va bo‘lingan, prezident Jo Bayden va Yevropa yetakchilari zaif. Ular vahimaga tushib, hech narsa qilolmaydi. Putin hatto bu yil ham Baydenning qayta saylanish imkoniyatini yo‘q qilish uchun hujum uyushtirishi mumkin, — deya ta’kidladi nashr.
G‘arb esa voqealarning bu tarzda rivojlanishiga tayyorgarlik ko‘rmoqda. Harbiy amaldorlar, razvedka zobitlari va siyosatchilar bu yil Putin NATO bilan mojaro boshlashi mumkinligini bir necha bor taʼkidlagan.
Rossiya qo‘shinlari Boltiqbo‘yi mamlakatlariga hujum qilishlari mumkin. Agar NATO nizomining 5-moddasiga muvofiq o‘z majburiyatlarimizni bajarmasak, bu alyansning parchalanishiga olib keladi, — degan edi AQSHning Yevropadagi armiyasi qo‘mondoni Ben Xodjes.
Izoh (0)