Россия президенти Владимир Путин альянс давлатларининг заифлигини, уларнинг тарқоқлигини ва урушдан чарчаганини кўрсатиб, НАТО давлатларига ҳужум қилишга тайёр, дея Foreign Affairs нашри хабар берди.
Хабарда Владимир Путин томонидан Украинада бошланган урушдан аввалига ҳайратланган россиялик юқори мартабали амалдорлар ва йирик тадбиркорлар ҳозирда ғалаба қандай бўлишини муҳокама қилаётгани айтилган. Амалдорларга кўра, уруш фақат Россиянинг ғалабаси билан якунланиши мумкин.
Ғолиб сиймосида қувғин бўлиш ёмон, лекин мағлуб бўлиш бундан ҳам ёмони. Биз бу урушда ғалаба қозонишимиз керак. Акс ҳолда улар бизга яшашга бермайди. Россия, албатта, парчаланиб кетади, — дейди россиялик олигархлардан бири.
Нашрга кўра, Вашингтон ва Брюсселдаги ҳақиқий душманларини мағлуб этиш учун Путин НАТО аъзоларидан бирига ҳужум қилиш кераклигини ҳис қилиши мумкин. Исми ошкор этилмаган россиялик элита нишон Эстония ёки Латвия бўлиши мумкинлигини маълум қилган.
Москванинг фикрича, Ғарб чарчаган ва бўлинган, президент Жо Байден ва Европа етакчилари заиф. Улар ваҳимага тушиб, ҳеч нарса қилолмайди. Путин ҳатто бу йил ҳам Байденнинг қайта сайланиш имкониятини йўқ қилиш учун ҳужум уюштириши мумкин, — дея таъкидлади нашр.
Ғарб эса воқеаларнинг бу тарзда ривожланишига тайёргарлик кўрмоқда. Ҳарбий амалдорлар, разведка зобитлари ва сиёсатчилар бу йил Путин НАТО билан можаро бошлаши мумкинлигини бир неча бор таъкидлаган.
Россия қўшинлари Болтиқбўйи мамлакатларига ҳужум қилишлари мумкин. Агар НАТО низомининг 5-моддасига мувофиқ ўз мажбуриятларимизни бажармасак, бу альянснинг парчаланишига олиб келади, — деган эди АҚШнинг Европадаги армияси қўмондони Бен Ходжес.
Изоҳ (0)