Ички ишлар вазирлигида Ўзбекистонда жиноятчиликка қарши курашиш, криминоген вазиятни барқарорлаштириш ҳамда шахсга доир маълумотларни ҳимоя қилиш масалаларини такомиллаштиришга қаратилган вазифаларнинг ижроси юзасидан тезкор йиғилиш ўтказилди. Бу ҳақда ИИВ матбуот хизмати хабар берди.
Йиғилишда ташкилий масалалар кўрилди. Президент қарори билан, Андижон вилояти ИИБ бошлиғи лавозимини эгаллаб келган полковник Аюбхон Раҳматуллаев ички ишлар вазирининг биринчи ўринбосари лавозимига тайинланди.
Тадбирда шунингдек, шахсга доир маълумотлар тўғрисидаги қонунчилик талабларидан келиб чиқиб, уларни ҳимоя қилиш йўналишини такомиллаштириш масалаларига эътибор қаратилди. Президент фармойиши билан Ички ишлар вазирлиги ҳузуридаги Миграция ва персоналлаштириш департаменти раҳбари лавозимига полковник Улуғбек Тошхўжаев тайинланди.
Кун тартибидаги масалалар бўйича соҳа масъулларининг таклиф ва мулоҳазалари тингланиб, янги тайинланган раҳбарларга тегишли топшириқлар берилди.
Изоҳ (0)