Ички ишлар вазирининг буйруғи билан полковник Равшан Султонхўжаев Хоразм вилояти ИИБ бошлиғи лавозимига тайинланди. Бу ҳақда ИИВ матбуот хизмати хабар берди.
Тайинловга қадар Равшан Султонхўжаев Тошкент шаҳар Ички ишлар бош бошқармаси бошлиғи ўринбосари — Ҳуқуқбузарликлар профилактикаси бошқармаси бошлиғи лавозимида хизмат қилган.
Хоразм вилояти ИИБга раҳбарлик қилиб келган генерал майор Даврон Назармуҳамедов ички ишлар вазири ўринбосари — Маънавий-маърифий ишлар ва кадрлар билан таъминлаш департаменти бошлиғи лавозимига тайинланган эди.
Июль охирларида Фарғонада президент бошчилигида бўлиб ўтган йиғилишда фаолиятида йўл қўйган камчиликлар учун Фарғона вилояти ички ишлар бошқармаси бошлиғи Муҳиддин Жўраев лавозимидан озод этилганди. Унинг ўрнига ички ишлар вазири ўринбосари генерал майор Азизбек Икрамов Фарғона вилояти ички ишлар бошқармаси бошлиғи этиб тайинланган.
Август ойи бошида эса Нукус шаҳар бўйича ички ишлар органлари фаолияти мувофиқлаштириш бошқармаси бошлиғи лавозимида ишлаган Зияуатдин Зайтов Нукус тумани ҳокими лавозимига тасдиқланган эди.
Изоҳ (0)