Ўзбекистон Ташқи ишлар вазирлиги бир неча инсонларнинг қурбон бўлиши ва Эроннинг Damasҳқ (Сурия) шаҳридаги дипломатик миссияси ҳудудида вайронагарчиликларга олиб келган Эрон консуллиги биносига уюштирилган ҳаво ҳужумини кескин қоралади. Бу ҳақда идора матбуот хизмати раҳбари хабар берди.
Хорижий давлатларнинг дипломатик ва бошқа ваколатхоналарига ҳужум қилинишини мутлақо қабул қилиб бўлмас ҳолат ҳамда халқаро дипломатик ҳуқуқ асослари ва тамойилларини энг қўпол равишда бузилиши деб ҳисоблаймиз, — дейилади хабарда.
1 апрель куни Сурия пойтахти ғарбидаги Эрон элчихонаси ва консуллиги жойлашган Меззе маҳалласига Исроил ҳарбий-ҳаво кучлари ракета зарбаси бериши оқибатида камида 11 киши ҳалок бўлди. Ўз навбатида Қирғизистон ҳам Исроилнинг Damasҳқдаги Эрон консуллигига қилган ракета ҳужумидан хавотир билдирган.
Изоҳ (0)