Тошкентдаги масжидларда ўғрилик қилган шахс 6 йилга озодликдан маҳрум этилди. Бу ҳақда ЎзА хабар қилди.
Маълум қилинишича, фуқаро И.О Тошкентдаги “Абу Сахий” савдо марказида жойлашган жоме масжиди таҳоратхонасидаги кийим қўйиш жойида турган курткалардан бирининг чўнтагидан 60 минг сўм ва Samsung А24 русумли телефон аппаратини ўғирлаб, воқеа жойини тарк этган.
Бошқа куни эса Шайх Муҳаммад Содиқ Муҳаммад Юсуф жоме масжиди таҳоратхонасига кириб, Samsung А23 телефон аппаратини қўлга киритган. Пулни ўз эҳтиёжига ишлатиб юборган, телефон аппаратларини эса ҳар бирини 500 минг сўмдан сотиб юборган.
Унинг қилмиши Тошкент шаҳар ЖИБ Чилонзор туман суди томонидан кўриб чиқилди ва суд ҳукмига кўра, И.О. га 6 йил муддатга озодликдан маҳрум қилиш жазоси тайинланди.
Шунингдек, у етказилган моддий зарар учун жабрланган икки шахс фойдасига 2 миллион 783 минг сўм ва 1,5 миллион сўм тўлайдиган бўлди.
Изоҳ (0)