Кинематография агентлиги электр энергиясидан қарздор бўлиб қолди. Бу маълумотни “Ҳудудий электр тармоқлари” АЖ матбуот хизмати “Дарё”га тасдиқлади.
Маълум қилинишича, “Ўзбекфильм” киноконцерни ДУКка тегишли “Ренессанс” корхонаси ҳудудида қурилиш ишлари олиб борилган ва қурилиш объектида фойдаланилган электр энергияси учун 2,7 млрд сўмлик қарздорлик вужудга келган.
Ушбу корхона қарздорлиги “Ўзбекфильм” киноконцерни ДУК томонидан қопланишига келишилиб, 10 февраль куни тармоқдан ажратилган.
Аввалроқ Ўзбекистонда 2025 йилнинг январь ойида қиймати 17 млрд 411,3 млн сўмлик “свет”дан ноқонуний фойдаланилгани ҳақида хабар берилганди.
5 январь куни Қашқадарёнинг икки ҳудудида қарийб 700 млн сўмлик “свет”дан ноқонуний фойдаланилгани ҳақида хабар берилганди. 12 январь куни эса Намангандаги сутни қайта ишлаш цехида 2,1 млрд сўмлик “свет”дан ноқонуний фойдаланилгани айтилганди.
13 январда эса Наманган ва Андижонда қарийб 3 млрд сўмлик “свет”дан ноқонуний фойдаланиш ҳолатлари аниқланганди. 16 январда Жиззах вилоятининг Янгиобод, Тошкент вилоятининг Зангиота, Қорақалпоғистон Республикасининг Беруний ва Тошкент шаҳрининг Учтепа туманида энергия ресурсларидан ноқонуний фойдаланиш ҳолатлари фош этилган эди.
Изоҳ (0)