TeleMassage хавфсиз корпоратив ёзишмалар хизматига рухсатсиз кирган хакер 60 га яқин америкалик амалдор, жумладан, АҚШ президентининг миллий хавфсизлик бўйича ёрдамчиси Майк Уолцнинг маълумотларини қўлга киритган. Бу ҳақда Reuters агентлиги хабар бермоқда.
Маълумотларга кўра, тармоққа АҚШ Божхона хизмати, АҚШ Махфий хизмати ходимлари ва Оқ уйнинг камида битта ходими билан боғлиқ ёзишмалар сизиб чиққан. Барча хабарлар тахминан 4 май санасига тегишли. Шунингдек, агентлик тарқалган телефон рақамларининг қарийб ярми ўз эгаларига тегишли эканлигини аниқлаган, аммо аниқ махфий маълумотларни топа олмаган
Таъкидланишича, баъзи суҳбатлар юқори лавозимли америкалик амалдорларнинг сафар режалари ҳақида бўлган. Чатлардан бири “POTUS (АҚШ президенти), Рим — Ватикан, ҳукумат матбуот хизмати” деб номланган бўлиб, у АҚШнинг Ватикандаги делегациясини мувофиқлаштириш билан боғлиқ бўлган. Бошқа бир чатда амалдорларнинг Иорданияга сафари муҳокама қилинган
Хабарлари тармоққа тушиб қолган бир қатор молиявий компаниялар маълумотлар сизиб чиқиши фактини ва уларнинг ҳақиқийлигини тасдиқлашган. Оқ уй вакиллари Smarsh (TeleMassage эгаси) компаниясида юз берган киберхавфсизлик билан боғлиқ ҳодисадан” хабардор эканликларини айтишган, бироқ агентликка ушбу хизматдан фойдаланиш бўйича изоҳ беришдан бош тортишган.
Изоҳ (0)