UzAutoMotors Cobalt Midnight қиммат нархда сотилаётгани ҳақидаги хабарларни рад этди.
Автострадаъда расмий нархи 155,2 миллион сўм бўлган Cobalt Midnight янги савдо механизми бўйича баъзи автосалонларда 167 миллион сўмдан сотилаётгани, бу нарх автомобилни навбатсиз олиш имкониятини тақдим этиши хабар қилинганди.
UzAutoMotors матбуот хизматининг “Дарё” сўровига кўра маълум қилишича, дилерлик марказлари автомобилларга мустақил равишда нарх белгилаш ҳуқуқига эга эмас. Сотиш фақат автомобиль ишлаб чиқарувчиси томонидан белгиланган нархларда амалга оширилади.
Компания дилерлик ташкилотлари фаолиятини доимий равишда кузатиб боради, чунки автомобилларни белгилангандан юқори нархда сотиш тақиқланади ва дилерлик шартномасини бузиш сифатида қаралади. Бундай қонунбузарликлар аниқланганда тегишли чоралар қўлланади.
“Айни пайтда UzAutoMotors компанияси Cobalt Midnight АТ автомобилини 167 миллион сўмдан сотиш ҳолатларини қайд этмаган”, дея маълум қилди компания вакили.
Агар мижознинг илтимосига биноан автомобилга қўшимча қурилмалар ёки жиҳозлар ўрнатилган бўлса (масалан, газ баллони, чехол, масофавий калит ва бошқалар), мижоз ушбу хизматни дилердан буюртма қилиши, бу нарх ошишига сабаб бўлиши мумкин.
Cobalt Midnight ҳақида
2024 йил октябрида UzAutoMotors Chevrolet Cobalt автомобилини янги Midnight модификациясида ишлаб чиқарилишини маълум қилганди. Ундан кейин Асакадаги заводда янги модификациядаги автомобиль ишлаб чиқарила бошланди. Янги модификация ташқи кўринишидаги деталлари билан ажралиб туради.
Изоҳ (0)