UzAuto Motors тез кунда Cobalt, Gentra, Damas сотувини бошланиши кутилмоқда. Бу ҳақда “Ўзавтосаноат” вакили “Дарё”га маълум қилди.
Айтилишича, мазкур автомобилларга шартномалар бериш жорий ҳафта якунигача бошланиши мумкин. Шу билан бирга, сотуви икки йил илгари тўхтатилган Captiva-5 автомобили ҳам яқин кунларда савдога қўйилади.
Аввалроқ UzAuto Motors оммабоп автомобиллари нархини оширгани маълум бўлганди.
Қимматлашган комплектацияларнинг янги нархлари:
- Lacetti L-Style Plus АТ — 169 118 000 сўм (эски нархи – 160 868 000 сўм);
- Damas D2 DLX Style Plus — 96 932 000 сўм (эски нархи – 92 204 000 сўм);
- Labо LV2 Plus — 96 370 000 сўм (эски нархи – 91 669 000 сўм);
- Cobalt GС-Style Plus МТ — 119 542 000 сўм (эски нархи – 113 711 000 сўм);
- Cobalt GХ-Style Plus АТ — 141 181 000 сўм (134 294 000 сўм).
Октябрь ойи ўрталарида Captiva-5 нархлари ҳам эълон қилинганди. Компания хабарига кўра, автомобиль учта комплектацияда сотувга чиқарилади. Уларнинг нархлари қуйидагича:
- LT1 (5 ўриндиқли): 299 900 000 сўм;
- LT2 (7 ўриндиқли): 319 900 000 сўм;
- Premier (7 ўриндиқли): 349 900 000 сўм.
Эслатиб ўтамиз, жорий йилнинг 18 сентябрь куни UzAuto Motors Chevrolet Cobalt, Lacetti, Damas ва Labo автомобиллари учун шартномалар бериш бошланганини эълон қилганди. Бир кун ичида ушбу моделлардаги автомобилларга жами 28 мингдан зиёд шартнома тузилган.
Изоҳ (0)