UzAuto Motors компанияси фуқароларни Chevrolet автомобиллари учун контрактация бошлангани ҳақидаги маълумотларни фақат расмий каналлардан олишга чақирди.
“Бугун бир қанча автоихлосмандлар автомобиллар учун контрактация бошланганлиги тўғрисидаги миш-мишларга ишониб, эрталабдан дилерлик марказларига келишгани сабабли дилерликларда катта навбатлар юзага келди.
Ҳурматли харидорлар, Эслатиб ўтамиз, сотув бошланганлиги тўғрисида ва бошқа мурожаатлар бўйича маълумотларни UzAuto Motors'нинг расмий каналларидан олишингиз мумкин”, — дейилади хабарда.
“Ўзавтосаноат” акциядорлик жамияти матбуот хизмати раҳбари Зумрад Шожалилованинг “Дарё”га маълум қилишича, бугун, 29 октябрь куни оммабоп автомобиллар учун шартнома бериш бошланмаган.
Эслатиб ўтамиз, UzAuto Motors 4 август куни ишлаб чиқариш линияларида амалга оширилган модернизация ишлари, шунингдек, завод фаолияти самарадорлигининг ошиши ҳисобига 2023 йилда қўшимча 50 000 дона автомобиль ишлаб чиқариш имконияти яратилганини маълум қилган эди. Эртасига, 5 августда эса шартнома бериш тўхтатилгани маълум қилинганди.
Шунингдек, 18-сентябрь куни UzAuto Motors расмий сайтида кўрсатилган комплектация ва ранглардаги Chevrolet Cobalt, Lacetti, Damas ва Labo автомобиллари учун контрактация очилди ва кўп ўтмай Cobalt ва Lacetti учун шартнома бериш тўхтатилди.
Изоҳ (0)