Ўзбекистон автомобиль ишлаб чиқариш саноатида 2023 йилнинг январь сентябрь ойларида 76 512 дона Cobalt ишлаб чиқарилган. Бу ҳақда Статистика агентлиги хабар берди.
Маълумотларга кўра, автомобиль ишлаб чиқариш саноатида 2023 йилнинг январь сентябрь ойларида ишлаб чиқарилган енгил автомобиллар сони:
- Cobalt — 76 512 дона;
- Lacetti-Gentra — 58 283 дона;
- Damas — 60 052 дона;
- Tracker — 28 253 дона;
- Onix — 22 082 дона;
- Chery — 7 335 дона;
- Махсус енгил автомобиллар — 15 635 дона.
UzAuto Motors 4 август куни ишлаб чиқариш линияларида амалга оширилган модернизация ишлари, шунингдек, завод фаолияти самарадорлигининг ошиши ҳисобига 2023 йилда қўшимча 50 минг дона автомобиль ишлаб чиқариш имконияти яратилганини маълум қилган эди. Орадан бир кун ўтиб, 5 августда эса шартнома бериш тўхтатилди.
Кейинроқ компания матбуот хизмати 4 августдан бошлаб деярли 51 мингга яқин Chevrolet Lacetti, Cobalt, Damas ва Labo автомобиллари учун шартномаларга тўлов амалга оширилганини маълум қилди. Ишлаб чиқариш жадвалига мувофиқ савдо тизими жорий этилгани сабаб, тузилган шартномалар бўйича барча автомобиллар 2023 йилда ўз эгаларига топширилади. Кейинчалик бу муддат 3 ойдан ошмайди.
18 октябрь куни UzAuto Motors компанияси бир қатор оммабоп автомобилларнинг нархларини оширди. “Chevrolet.uz” сайтидаги янгиланган маълумотларга кўра, айрим моделлар нархи 9 миллион сўмгача қимматлашган.
Изоҳ (0)