Ўтган 2023 йилда UzAuto Motors энг кўп ишлаб чиқарган автомобиль модели Cobalt бўлди. Бу ҳақда Статистика агентлиги хабар берди.
Ўзбекистонда 2023 йилда ишлаб чиқарилган енгил автомобилларнинг 118 093 донаси Cobalt ҳиссасига тўғри келди. Бу барча моделлар ичида энг кўп миқдордир (2022 йилда ҳам Cobalt энг кўп ишлаб чиқарилган).
Кейинги ўринларда Damas (89 154 дона) ва Gentra (82 133 дона) нисбатан кўп ишлаб чиқарилган.
Шу билан бирга, компания ўтган йили 48 082 дона Tracker, 30 596 дона Chevrolet Onix автомобилларини ишлаб чиқарган.
Айни пайтда Cobalt ва Damas сотувда мавжуд эмас. Gentra ишлаб чиқариш эса тўхтатилиши хабар қилинган.
Эслатиб ўтамиз, UzAutoMotors 2023 йил 25—27 декабрь кунлари Cobalt, Damas ва Labo автомобиллари учун жами 171 200 дан ортиқ шартномалар тузди. Мазкур автомобиллар 2024 йилда ишлаб чиқарилиши ва мижозларга етказилиши режалаштирилган.
Изоҳ (0)