UzAuto Motors оммабоп моделлар учун шартнома бериш бошланганини эълон қилди.
Қайд этилишича, компания ўз ишлаб чиқариш қувватларини кенгайтириш борасида амалга оширган тизимли саъй-ҳаракатлари натижасида, ойига 40 000 донадан ортиқ автомобиль ишлаб чиқариш бўйича рекорд кўрсаткичга эришган. Бу ўз навбатида, кутиш вақтини сезиларли даражада қисқартирган.
Бугунги кунда харид қилиш учун мавжуд бўлган Chevrolet автомобиль моделлари:
- Damas ва Labo
- Cobalt
- Onix
- Tracker
- Captiva-5
- Malibu
- Equinox
- Traverse
- Tahoe
“Шартнома олишда Chevrolet дилерлик марказларида юзага келадиган навбатлар ва ноқулайликлардан ҳоли бўлишни истасангиз, онлайн-сервис хизматлардан фойдаланишингизни ва фақат расмий маълумотларга таянишингизни тавсия қиламиз”, — дейилади хабарда.
Эслатиб ўтамиз, UzAuto Motors 4 август куни ишлаб чиқариш линияларида амалга оширилган модернизация ишлари, шунингдек, завод фаолияти самарадорлигининг ошиши ҳисобига 2023 йилда қўшимча 50 000 дона автомобиль ишлаб чиқариш имконияти яратилганини маълум қилган эди. Эртасига, 5 августда эса шартнома бериш тўхтатилгани маълум қилинганди.
Шунингдек, 18-сентябрь куни UzAuto Motors расмий сайтида кўрсатилган комплектация ва ранглардаги Chevrolet Cobalt, Lacetti, Damas ва Labо автомобиллари учун контрактация очилди ва кўп ўтмай Cobalt ва Lacetti учун шартнома бериш тўхтатилди.
Изоҳ (0)