Самарқандда юқори тезликда кетаётган Range Rover Lacetti ва Damas’ни уриб юборди. Бу ҳақда вилоят ЙХҲБ матбуот хизмати хабар берди.
Маълум қилинишича, 10 октябрь куни соат 01:00 ларда Самарқанд шаҳар “Зулфия” маҳалласи ҳудудидан ўтувчи Буюк Ипак йўли кўчасида, ҳайдовчи Range Rover русумли автомобилини юқори тезликда бошқариб келиб, эътиборсизлиги оқибатида рўл бошқарувини йўқотиб ўзи билан бир йўналишда ҳаракатланиб кетаётган Lacetti Optra автомобили орқа томонидан уриб юборган. Сўнг тўхтай олмасдан шу йўналишда йўл четида тўхтаб турган Damas’га бориб урилган.
Оқибатда Lacetti Optra ҳайдовчиси тан жароҳатлари олиб шифохонада вафот этган.
Ҳозирда ҳолат юзасидан Самарқанд шаҳри бўйича ИИО ФМБ ТБ томонидан жиноят иши қўзғатилиб дастлабки тергов ҳаракатлари олиб борилмоқда.
Изоҳ (0)