Шавкат Мирзиёев 2025 йил 9 май куни Москва шаҳрида Иккинчи жаҳон урушидаги ғалабанинг 80 йиллиги муносабати билан ўтказиладиган юбилей тадбирларида иштирок этади. Бу маълумотни президент матбуот котиби Шерзод Асадов Парламентлараро иттифоқнинг Тошкентдаги ассамблеяси доирасида бўлиб ўтган журналистлар билан суҳбатда тасдиқлади.
Шавкат Мирзиёев 2024 йилда ҳам Москвада Иккинчи жаҳон урушидаги ғалабанинг 79 йиллигига бағишланган тадбирда иштирок этганди.
Москвадаги Қизил майдонда 9 май куни бўлиб ўтадиган ҳарбий парадда Россия раҳбари таклифи билан тўққиз нафар президент қатнашганди:
- Беларусь президенти Александр Лукашенко;
- Қозоғистон президенти Қосим-Жўмарт Тўқаев;
- Қирғизистон президенти Садир Жапаров;
- Тожикистон президенти Эмомали Раҳмон;
- Туркманистон президенти Сердар Бердимуҳамедов;
- Ўзбекистон президенти Шавкат Мирзиёев;
- Куба президенти Мигел Диас-Канел Бермудес;
- Лаос Халқ демократик республикаси президенти Тхонглун Сисулит;
- Гвинея-Бисау президенти Умар Сиссоку Эмбало.
2023 йилги парадда Қозоғистон, Қирғизистон, Тожикистон, Туркманистон, Ўзбекистон ва Беларусь етакчилари иштирок этганди. Бироқ Лукашенко ва Жапаров Ғалаба парадидан сўнг бўлиб ўтган МДҲ давлатлари раҳбарларининг Кремлдаги норасмий тушлигига бормаган.
Изоҳ (0)